الملل .... مرض العصر
مالك ؟؟ ـ زهقان
مالك ؟؟ ـ طهقان
مالك ؟؟ ـ متضايق
مالك؟؟ ـ مش مبسوط كده ومخنوق
مالك؟؟ ـ مش أد كده
مالك؟؟ ـ مش متظبط
مالك؟؟ ـ يعني .. مش اوي
مالك ؟؟ يووووه أرفان مش رايق
إذن.............
انت مصاب بمرض العصر وهو الملل
تري كيف نعالج هذا المرض ؟
البعض يري انه بتغيير الجو والاماكن والناس يمكن ان نتغلب علي الشعور بالملل
لكن اخرين يشعرون بالملل بمجرد مرور ساعات قليلة دون تغيير ،
ما هو الحل اذا؟
فمثلا إذا حُكم عليك ان تظل ببيتك لمدة شهر دون ان تخرج من باب منزلك... "لا قدر الله طبعا" كيف سيكون التصرف ؟، وما هي الادوات التي ستوفرها قبل جلوسك بمفردك في منزلك لمدة شهر بدون انترنت .. تُري هل انا وحدي المصابة بذلك المرض ؟ حيث انني اشعر بالملل بسرعة وفي اوقات متفاوتة وانه ليس دائما يتاح لي تغيير المكان او السفر ،، وحتي احيانا الاماكن المفضلة لديَ من كثرة تكرار زيارتها اشعر بالملل منها ...كثيرا ما أمل عملي ،، وأمل حجرتي ،،أمل دراستي ، تعالوا معايا نفضفض شوية وننصح بعض نعمل ايه ويمكن اللي مش بيعاني من الملل يقابله صديق عنده ملل يقوم يعديه بالملل ويقول ايه الملل ده انا مليت
متي تشعر بالملل؟
كيف تتغلب علي الشعور بالملل؟
يلا يلا يلا.........
هناك ٥ تعليقات:
الف مبروك على البوست الجديد
انطلاقه مبشره بالتفاؤل
اولها كده ملل
طيب كنتي ابتدي ببوست عن الافراح والكلام العبيط اللي بنقوله كلنا واحنا لسه في الأول ومش عارفين نكتب
جايه سخنه يعني من الأول
عموما ماشي بس مش معنى انك كتبتي بوست لذيذ انك هاتقطعيني
انا يا بنتي مكتسح من زمان
سيبك انتي
لأ بجد بوست لذيذ وفكره هايله
انتي متتخيليش قد ايه الناس كلها عندها حاله من الأكتئاب والملل والخنقه
مش عارف ليه كل الناس كده هل هي ظروف المجتمع كله ام ان كل واحد عنده من الهموم ما يكفيه
عموما اتمنى يا استاذه تدينا حل للسؤال ده مش تقلبي علينا المواجع وتسكتي
الف مبروك على التدوين ومبرك علينا دماغ حلوه جديده
سلاااااااااااااااااااااااااام
شنكوتي اوتي توتي ،، صديقي الجديد ، انا بجد كت زهقانه وكل ما اكلم حد يقوللي ومين سمعك ،، طيب يلا نطلع رحلة ولا نسافر ولا حتي نروح دريم بارك ،، اللي يطلع معندوش وقت واللي تطلع عنها شغل واللي معندهاش اجازات واللي واللي واللي ......
ساعتها حسيت ان كل الناس بتمر بملل بس مفيش مفتاح معانا نفتح بيه بوابة تكسر الروتين اليومي ،، لو كل واحد قدم فكرة عن ازاي نطلع من حالة وحشة احنا فيها ،، ممكن يكون لكل واحد مجموعة حول يختار منها اللي يناسبه ، انا عن نفسي الانترنت والبلوجرز اخدت وقت كبير مني وكسرت الملل ، بس من غير نت ،، ملل ملل ملل
معاكي حق يا صديقتي
عشان كده لما بتخنق قوي لازم اتجنن واعمل حاجه من غير ما اقعد احسبها
يعني المره اللي فاتت سافرت مع فاخر صاحبي اسكندريه من غير تفكير قالي تسافر بكره قلتله ماشي رحت قلت لبابا وبالعافيه اقتنعوا وسابوني سافرت
دلوقتي النت والتدوين والناس اللي عرفتهم من المدونات شغلوا جزء كبير من وقتي لكن اليوم اللي مفيهوش نت بيبقى قرف
عموما في حاجه بعملها في التدوين وبعملها في الواقع عشان اشغل وقتي بتعرف على ناس جديده على قد ما اقدر
وبديهم ايميلي وتليفوني عشان اللي يحب يعبرني ويعرفني اكتر
عارف انها مغامره وممكن ناس تصدني وناس تشتمني بس مش مشكله مفيش حلاوه من غير نار لحد دلوقتي اللي كلموني ناس حلوين قوي وعسل
عندك اقتراحات انتي كمان
سلاااااااااااااااااااااااام
يا عسوله
هبعتلك علي الاميل بتاعك وسجلت تليفونك وهكلمك.. عرضت عليك عرض ايه رايك؟
تحياتي
الشلل والبلل هما الي مرض العصر
فعلا الملل اكيد هو مرض العصر بس ممكن نكسره باي طريقه علي الاقل لو دخلتي اي مدون كده بالبركه هتلاقيها كلها كأبه مع الاسف مفيش غير اتنين تلاته هما الي صدفوني فيهم تفاؤل
يالله مش مهم موضوع جميل
تحياتي
إرسال تعليق