صديقي الانتيم
جالي هدية في عيد ميلادي ، كان عمره اسبوعين بس ، كان لونه بيج فاتح وكاكاوي وعنيه زرقة زي المية اللي بشوفها في التليفزيون كده ، كنت عارفه انه هيسبب مشاكل كتير بوجوده في البيت ، بس جمال عنيه وحجمه النونو شجع كل الموجودين علي الاهتمام بيه والحمد لله الكل حبوه، مش بس عنيه لكن كمان شقاوته رغم صغر سنه ... كبر معايا مكنتش باكل غير لما ياكل ولما ارجع البيت بعد عناء يوم كامل هوه يكون اول المرحبين ،، ولما اندهله يجيني ولو كان في اخر الدنيا ،، حبيبي كان عارف صوتي وكان بيعرف الضيوف من اصحاب البيت ويرحب بيهم
كنت بحبه ولسة بحبه ،، هوه صديقي الانتيم ،، ياما نمت في حضنه ودفاني بحنانه وصوته اللي عامل زي الفيبريشن ،، وياما نط علي رجلي يعضني علشان نسيت اجيبله اكل او نسيت اندهله اول لما ادخل ... كانت اكلته المفضلة السمك ،، ياكل سمك من هنا ومحدش يعرف له طريق من هنا ،، ضحكت كتير من قلبي معاه وخرجنا مع بعض كتير ،، اتعاكس في الشارع من كل الولاد والبنات كانت الناس كلها بتسألني عليه ،، اسمه دِندِن (بكسر الدال)... اسم طفلة فليبينية كانت أمورة جدا وحلوة خالص .
لقيت معاه حاجات كتير مش موجودة في البني ادمين ، كان مخلص ومش حرامي ومؤدب وبيفهم ، لما اخدوه ناس اصحابي علشان كنت مسافرة ،، مرضيش ياكل ولا يشرب .....
بس حصلت حاجة فظيعة...
كنت بحبه ولسة بحبه ،، هوه صديقي الانتيم ،، ياما نمت في حضنه ودفاني بحنانه وصوته اللي عامل زي الفيبريشن ،، وياما نط علي رجلي يعضني علشان نسيت اجيبله اكل او نسيت اندهله اول لما ادخل ... كانت اكلته المفضلة السمك ،، ياكل سمك من هنا ومحدش يعرف له طريق من هنا ،، ضحكت كتير من قلبي معاه وخرجنا مع بعض كتير ،، اتعاكس في الشارع من كل الولاد والبنات كانت الناس كلها بتسألني عليه ،، اسمه دِندِن (بكسر الدال)... اسم طفلة فليبينية كانت أمورة جدا وحلوة خالص .
لقيت معاه حاجات كتير مش موجودة في البني ادمين ، كان مخلص ومش حرامي ومؤدب وبيفهم ، لما اخدوه ناس اصحابي علشان كنت مسافرة ،، مرضيش ياكل ولا يشرب .....
بس حصلت حاجة فظيعة...
هناك ٤ تعليقات:
يعني بعد ما حبينا دندن تقومي تخضينا وتقولي حصلت حاجه فظيعه وبعدين تسكتي كأن النور قطع او البوليس كبس عليكي
ربنا يستر مش عارف ايه اللي حصلك انتي ودندن
عموما ساعات الواحد بيدور في اخلاص الحيوان عن الحاجه اللي مش بيلاقيها في البني ادم اللي زيه
بس صدقيني الحيوان برده هيفضل ناقصه حاجه
انه يكون انسان
هو ممكن يحس انك زعلانه لكن عمره ما يعرف ايه اللي مزعلك
ممكن يحس انك خايفه لكنه عمره ما يعرف ايه اللي ممكن يحسسك بالمان ويديهولك
الصديق مفيش غنى عنه
حتى لو كان فيه عيوب لأن مفيش حد مفيهوش عيوب
تحياتي على البوست الجميل
سلاااااااااااااااااااااااااام
بجد حبيته؟؟ انا مبسوطة اوي اني من الكلام بس قدرت اخليك تحبه .. حقيقي انا لقيت مع حيوان زي دندن كل اللي اتمناه من صديق ، رغم ان صداقة البشر حاجة تانية لكن الظروف والأهواء ومؤثرات كتير بتغير البني ادمين .. بس كانت تجربة جامدة جدا مهما قلت مش هوصف احساس حيوان بيحب بشر ،، لدرجة ان مرة كانت دموعي علي خدي جه قرب مني ولحس دموعي ،، ساعتها مصدقتش نفسي وقلت انا اكيد بحلم ،، هتعرف باقي الحكاية النهاردة ،، وبرده انا معاك ان صداقة الانسان لا تعوض رغم كل اللي بنشوفه من الصداقة (احيانا)
شكرا علي متابعتك ،، ونفسي اخد يومين اجازة علشان بس احاول اخلص كل بوستهاتك ... متابعتك بتشجعني
شوكران
www.elantem.yoo7.com
انا عايزه اعرف ايه الحاجه الفظيعه اللي حصلت ((( أر جوكم )))
إرسال تعليق